Helok

Manehna molohok. Panon teu ngiceup, ningali waruga nu harelung jangkung di hareupeunana. Gagah, sakaligus endah. Di handapna, saregep barudak nu karasep, nu gareulis, nu garaya, nu rarapih. Katingali, di beungeut-beungeut barudak sarwa euweuh riuk kasusah komo deui kasieun.

"Leres ieu teh sakola?" tanya manehna, asa-asa, semu teu percaya.

"Bener!" jawab waruga, tandes. "Kuring sakola!"

Teu kebat. Nu molohok kaburu sumegruk. Anakna, Sukniah, anyar mangkukna maot dipergasa madrasah rempo. (*)

---

https://www.facebook.com/groups/fikminsunda/permalink/347761638598743/