Tatarucingan

Tatarucingan koleksi sim kuring. Kenging ngundeur ti internet. Lumanyun lah, etang-etang tambi nundutan.

+ Leutik, bodas, ngabelesat.

- Remeh napel na pesawat jet.

+ Leutik, hideung, kesangan.

- Sireum tas push-up.

+ Dicabak ledok, ditakol ngabelentrang.

- Tai kotok dina katel.

+ Sato naon nu pang leutikna.

- Tongo tapa 10 taun, tipes, kagencet batu.

+ Kaleng naon nu matak paur.

- Kalengkahan maung.

+ Kaca naon nu beurat.

- Kacalikan gajah.

+ Tahu naon nu pangbauna.

- Tahuntu sia.

+ Ucing ngising muru naon.

- Murukungkung.

+ Kumaha ngabedakeun gajah leutik jeung gajah gede.

- Diayak.

+ Diasupkeun kalah kaluar.

- Kancing.

+ Mun turun lila, mun naek gancang.

- Leho.

+ Aki-aki ragrag surak.

- Sakti.

+ Lele naon nu sok aya di sisi jalan.

- Lelepon umum.

+ Paskibra naon nu teu ngeunah.

- Pas kibra-kibrana sare di hudangkeun.

+ Bedana HP jeung monyet.

- HP mah Nokia, monyet mah Nukieu.

+ Lomari naon nu sok nyanyi.

- Lomari Irama……anjir maksakeun.

+ Oray naon nu teu bisa ngaleor.

- Oray ngahakan linggis.

+ Tukang naon numatak nyilakakeun.

- Tukangeun mobil nu rek mundur.

+ Kunaon tukang baso nakolan mangkok.

- Ku sendok.

+ Make baju bodas lain dokter, make topi hejo lain tentara.

- Toge.

+ Tukang naon nu jejengkean.

- Tukang teuing.

+ Hayam naon anu sukuna sarebu.

- Hayam keur pawey.

+ Sato naon anu teu bisaeun mundur.

- Sato nu keur nukangan tembok.

+ Batu naon anu teu aya di cai.

- Batu garing.

+ Piring naon anu bisa dipake nempo bulan.

- Piring bolong.

+ Naon sababna ban mobil tina karet.

- Mun tina coklat pasti digembrong sireum.

+ Sapi naon anu bau.

- Sapiteng.

+ Hayamna bodas, naonna anu hideung.

- Kalangkangna.

+ Monyet naek kana tangkal kai, tinggal naonna.

- Tinggal turunna.

+ Pare naon anu teu ngeunah.

- Parea-rea omong.

+ Soeh teu bisa dikaput, kotor teu bisa diseuseuh.

- Keretas.

+ Kapal naon anu teu bisa ngapung.

- Kapal nu mesinna ruksak.

+ Aya balon sapuluh, bitu hiji, kempes tilu, kari sabaraha deui.

- Kari salapan, da nu kempes teh ditiup deui.

+ Maju eleh, mundur meunang.

- Nu keur lomba tarik tambang.

+ Batman nginum fanta, ari Superman nginum naon.

- Minumpas kejahatan.

+ Hideung, leutik, bahaya.

- Sireum napel dina bom.

---