Undak-Usuk Basa

Undak usuk Basa Sunda nyaeta panta-panta basa atawa tatakrama basa, nu dibagi kana genep panta (R.I Adiwijaya):

Basa luhur
Basa lemes
Basa sedeng
Basa kasar/cohag
Basa kasar pisan
Basa panengah

Basa luhur (tara dianggo) dianggo kanggo ka raja, presiden sareng ka kulawargana.

Basa lemes dianggo ka saluhureun, atawa kanu can wanoh.

Lemes keur batur
Lemes keur sorangan

Basa sedeng (loma) dianggo ka babaturan nu akrab. Basa kasar dianggo ka sahandapeun, nu akrab pisan. Basa kasar pisan dianggo lamun keur ambek atawa ka sato, bisa oge ka babaturan nu akrab pisan. Basa panengah dianggo ka sahandapeun (contona ka padamel) nu yuswana langkung sepuh.

Numutkeun H.R Hidayat Suryalaga, tarapna basa lemes aya 9 syarat nyaeta:

Aya tekad ngajenan batur
Pasemon marahmay
Rengkuh
Lentong
Milih basa
Anggoan
Luyu sareng waktu
Tempat
Kaayaan nu dicandak nyarita

Basa lulugu nyaeta aturan cara make basa nu geus ditangtukeun ku masarakat nu make eta basa.

Ciri-ciri basa lulugu:

Mampu numuwuhkeun mekarna basa
Tumut kana aturan, cara make, undak usuk, ejahan, jeng saterusna
Mibanda sajarah nu tangtu
Mampu mekarkeun basa tur budayana
Mibanda palanggeran ejahan nu tangtu

Di handap ieu conto-conto basa loma jeung basa lemes nu dipake dina undak usuk basa.

Basa Loma jeung Basa Lemes (A)

Basa Loma	Basa Lemes (keur ka sorangan)	Basa Lemes (keur ka batur)
Abus, asup	Lebet	Lebet
Acan, tacan, encan	Teu acan	Teu acan
Adi	Adi	Rai, rayi
Ajang, keur, pikeun	Kanggo	Haturan
Ajar	Ajar	Wulang, wuruk
Aji, ngaji	Ngaji	Ngaos
Akang	Akang	Engkang
Aki	Pun aki	Tuang eyang
Aku, ngaku	Aku, ngaku	Angken, ngangken
Alo	Pun alo	Kapiputra
Alus	Sae	Sae
Ambeh, supaya, sangkan	Supados	Supados
Ambek	Ambek	Bendu
Ambeu, ngambeu	Ngambeu	Ngambung
Amit, amitan	Permios	Permios
Anggel	Bantal	Bantal, kajang mastaka
Anggeus, enggeus	Rengse	Parantos
Anjang, nganjang	Ngadeuheus	Natamu
Anteur, nganteur	Jajap, ngajajapkeun	Nyarengan
Anti, dago, ngadagoan	Ngantosan	Ngantosan
Arek	Bade, seja	Bade, seja
Ari	Dupi	Dupi
Asa, rarasaan	Raraosan	Raraosan
Asal	Kawit	Kawit
Aso, ngaso	Ngaso	Leleson
Atawa	Atanapi	Atanapi
Atoh, bungah	Bingah	Bingah
Awak	Awak	Salira
Awewe	Awewe	Istri

Basa Loma jeung Basa Lemes (B)

Basa Loma	Basa Lemes (keur ka sorangan)	Basa Lemes (keur ka batur)
Babari, gampang	Gampil	Gampil
Baca	Aos	Aos
Badami	Badanten	Badanten
Bae, keun bae	Sawios, teu sawios	Sawios, teu sawios
Bagea	Bagea	Haturan
Baheula	Kapungkur	Kapungkur
Baju	Baju	Raksukan, anggoan
Bakti	Baktos	Baktos
Balik, mulang	Wangsul	Mulih
Balur	Balur	Lulur
Bangga	Sesah	Sesah
Bapa	Pun bapa	Tuang rama
Bareng, reujeung	Sareng	Sareng
Bareto	Kapungkur	Kapungkur
Batuk	Batuk	Gohgoy
Batur	Babaturan	Rerencangan
Bawa	Bantun	Candak
Beak	Seep	Seep
Beda	Benten	Benten
Beja	Wawartos	Wawartos
Bener, enya	Leres	Leres
Bengek, mengik	Asma	Ampeg
Bere, mere	Maparin, masihan	Ngahaturan, ngaleler
Berekah	Pangesto, pangestu	Damang, wilujeng
Beuki	Beuki, seneng	Sedep
Beulah	Palih	Palih
Beuli, meuli	Meser	Ngagaleuh
Beunang	Kenging	Kenging
Beungeut	Beungeut	Pameunteu, raray
Beurang	Siang	Siang
Beurat	Abot	Abot
Beuteung	Padaharan	Patuangan, lambut
Bibi	Pun bibi	Tuang bibi
Bikeun, mikeun	Maparinkeun	Ngahaturkeun, nyanggakeun
Bilang, milang	Ngetang	Ngetang
Birit, bujur	Birit, bujur	Imbit
Bisa	Tiasa	Tiasa
Bisi	Bilih	Bilih
Biwir	Biwir	Lambey
Boa	Tiasa jadi	Tiasa jadi
Boga	Gaduh	Kagungan
Buang, ngising	Miceun	Kabeuratan
Budak	Budak	Murangkalih
Bujal	Bujal, puser	Udel
Buka puasa	Buka	Bobor
Bukti	Buktos	Buktos
Bulan	Sasih	Sasih
Bungah, gumbira	Bingah	Bingah
Burit	Sonten	Sonten
Buru	Bujeng	Bujeng
Butuh	Perlu	Peryogi

Basa Loma jeung Basa Lemes (C)

Basa Loma	Basa Lemes (keur ka sorangan)	Basa Lemes (keur ka batur)
Cabak, nyabak	Nyabak	Cepeng
Cageur	Pangesto, pangestu	Damang
Calana	Calana	Lancingan
Cangkeng	Cangkeng	Angkeng
Caram, carek, nyarek	Nyarek	Ngawagel
Carang, langka	Awis	Awis
Carek, nyarekan	Nyarekan	Nyeuseul
Carita, nyarita, ngomong	Nyanggem	Nyarios
Cenah	Cenah	Saurna
Cekel, nyekel	Nyekel	Nyepeng
Celuk, nyeluk, gero, ngageroan	Nyauran	Ngagentraan
Ceuli	Ceuli	Cepil
Ceurik	Ceurik	Nangis
Cicing	Matuh	Calik, linggih
Ciduh	Ciduh	Ludah
Cik, cing	Cobi	Cobi
Cikal	Cikal	Putra pangageungna
Ciling, pacilingan	Kakus	Jamban
Ciri	Tanda	Tawis
Cium, nyium	Nyium	Ngambung
Cokot, nyokot	Ngabantun	Nyandak
Cukup, mahi	Cekap	Cekap
Cukur, dicukur	Dicukur	Diparas
Cunduk, dating	Dongkap	Sumping, rawuh

Basa Loma jeung Basa Lemes (D)

Basa Loma	Basa Lemes (keur ka sorangan)	Basa Lemes (keur ka batur)
Daek	Daek, purun	Kersa
Dagang	Dagang	Icalan
Dahar	Neda	Tuang
Dangdan	Dangdan	Dangdos
Dapur	Dapur	Pawon
Denge, ngadenge	Nguping, mireng	Ngadangu
Deukeut	Caket	Caket
Didik, ngadidik	Ngatik	Miwuruk, mitutur, miwejang
Diri	Diri	Salira
Diuk	Diuk	Calik, linggih
Duga, kaduga	Kaduga	Kiat
Duit	Artos	Artos
Dumeh, lantaran	Jalaran	Kumargi

Basa Loma jeung Basa Lemes (E)

Basa Loma	Basa Lemes (keur ka sorangan)	Basa Lemes (keur ka batur)
Eling, inget	Emut	Emut
Emboh, tambah	Tambih	Tambih
Era	Isin	Lingsem
Embung	Alim	Teu kersa
Enggon	Pamondokan	Pangkuleman
Eukeur, keur	Nuju	Nuju
Eusi, ngeusian	Ngalebetan	Ngalebetan
Euweuh	Teu aya	Teu aya

Basa Loma jeung Basa Lemes (G)

Basa Loma	Basa Lemes (keur ka sorangan)	Basa Lemes (keur ka batur)
Gancang	Enggal	Enggal
Ganti	Ganti	Gentos
Gardeng, reregan	Gardeng	Lalangse
Gawe	Gawe	Damel
Gede	Gede	Ageung
Gelung	Gelung	Sanggul
Genah, ngeunah	Raos	Raos
Gering	Udur	Teu damang
Getol	Getol	Kersaan
Geulang	Geulang	Pinggel
Geura, pek, heg	Geura, mangga	Mangga
Geuwat	Enggal	Enggal
Gigir, gigireun	Gigireun	Gedengeun
Gimir	Gimir	Rentag manah
Gogoda, cocoba	Cocoba	Cocobi
Goreng	Goreng	Awon
Gugu, ngagugu	Nurut	Tumut

Basa Loma jeung Basa Lemes (H)

Basa Loma	Basa Lemes (keur ka sorangan)	Basa Lemes (keur ka batur)
Gancang	Enggal	Enggal
Ganti	Ganti	Gentos
Gardeng, reregan	Gardeng	Lalangse
Gawe	Gawe	Damel
Haben	Haben	Teras-terasan
Hadir, ngahadiran	Nungkulan	Ngaluuhan
Hal, perkara	Perkawis	Perkawis
Halis	Halis	Kening
Hampura, maap	Hapunten	Hapunten, haksama
Hareup	Payun	Payun
Harga	Harga	Pangaos
Harti	Hartos	Hartos
Hate	Hate	Manah
Hawatir, watir, karunya	Watir	Hawatos
Hayang	Hoyong	Palay
Helok	Heran	Hemeng
Hese, susah, pelik	Sesah	Sesah
Heuay	Heuay	Angob
Heubeul, lawas	Heubeul	Lami
Heug, seug	Mangga	Mangga
Hili, tukeur	Liron	Gentos
Hirup	Hirup	Jumeneng
Hudang	Hudang	Gugah
Huntu	Huntu	Waos
Hutang	Hutang	Sambetan

Basa Loma jeung Basa Lemes (I)

Basa Loma	Basa Lemes (keur ka sorangan)	Basa Lemes (keur ka batur)
Iber, beja, warta	Wartos	Wartos
Idin	Widi	Widi
Igel	Igel	Ibing
Iket	Totopong	Udeng
Ilik, ngilikan	Ningalan	Ningalan
Ilu, ngilu	Ngiring	Ngiring
Imah	Rorompok	Bumi
Impi, ngimpi	Impen, ngimpen	Impen, ngimpen
Imut	Imut	Mesem
Incu	Pun incu	Tuang putu
Indit, miang	Mios	Angkat, jengkar
Indung	Pun biang	Tuang ibu
Inggis, risi	Inggis, risi	Rempan
Injeum, nginjeum	Nambut	Nambut
Inum, nginum	Leueut, ngaleueut	Leueut, ngaleueut
Irung	Irung	Pangambung
Isuk, isukan	Enjing	Enjing
Itung	Itung	Etang
Iwal, kajaba	Kajaba	Kajabi

Basa Loma jeung Basa Lemes (J)

Basa Loma	Basa Lemes (keur ka sorangan)	Basa Lemes (keur ka batur)
Jaga	Jaga	Jagi
Jalma, jelema	Jalmi	Jalmi
Jauh	Tebih	Tebih
Jawab	Walon	Waler
Jero	Lebet	Lebet
Jeung	Sareng	Sareng
Jiga	Jiga	Sapertos, sakarupi
Jual	Ical	Ical
Jugjug	Bujeng	Bujeng
Juru, ngajuru	Ngalahirkeun	Babar

Basa Loma jeung Basa Lemes (K)

Basa Loma	Basa Lemes (keur ka sorangan)	Basa Lemes (keur ka batur)
Kabeh, kabehanana	Sadayana	Sadayana
Kabur, minggat	Minggat	Lolos
Kacida, naker	Kalintang	Kalintang, teu kinten
Kajeun, keun bae	Sawios	Sawios
Kakara, karek	Nembe	Nembe
Karembong	Kekemben	Kekemben
Kari, tinggal	Kantun	Kantun
Kasakit, nyeri	Kasakit, kanyeri	Kasawat
Katara, kaciri	Katawis	Katawis
Kapalang, kagok	Kapameng	Kapameng
Kawas	Sapertos	Sapertos
Kawin	Nikah, jatukrami	Jatukrami, rendengan
Kede	Kenca	Kiwa
Kejo, sangu	Sangu	Sangu
Kelek	Kelek	Ingkab
Kesang	Karinget	Karinget
Keur, pikeun	Kanggo	Kanggo, haturan
Kiih	Kahampangan	Kahampangan
Kolot	Kolot	Sepuh
Kongkorong	Kangkalung	Kangkalung
Kop, pek	Mangga	Mangga
Kuat	Kiat	Kiat
Kudu	Kedah	Kedah
Kumbah	Kumbah	Wasuh
Kumis	Kumis	Rumbah
Kumpul	Kempel	Kempel
Kungsi	Kantos	Kantos
Kurang	Kirang	Kirang
Kuring, sim kuring	Abdi, sim abdi	Sim abdi

Basa Loma jeung Basa Lemes (L)

Basa Loma	Basa Lemes (keur ka sorangan)	Basa Lemes (keur ka batur)
Labuh	Labuh	Geubis
Lahun, ngalahun	Ngalahun	Mangkon
Lain	Sanes	Sanes
Laju	Lajeng	Lajeng
Laki, lalaki	Lalaki	Pameget
Laku, payu, laris	Pajeng	Pajeng
Lalajo	Nongton	Nongton
Lamun, upama	Upami	Upami
Lanceuk	Pun lanceuk	Tuang raka
Lantaran, sabab	Jalaran, sabab	Mari
Leho	Leho	Umbel
Letah	Letah	Ilat
Leungeun	Leungeun	Panangan
Leungit	Leungit	Ical
Leutik	Alit	Alit
Leuwih	Langkung	Langkung
Lila	Lami	Lami

Basa Loma jeung Basa Lemes (M)

Basa Loma	Basa Lemes (keur ka sorangan)	Basa Lemes (keur ka batur)
Mahal	Awis	Awis
Maksud	Maksad	Maksad
Malarat, miskin	Jalmi teu gaduh	Teu kagungan nanaon
Malem	Wengi	Wengi
Malik	Malik	Mayun
Mamayu	Mamayu	Mamajeng
Mangka, sing, muga	Mugi	Mugi
Maot	Maot	Pupus, tilar dunya
Marhum	Marhum, jenatna	Marhum, suargi
Memeh, samemehna	Sateuacanna	Sateuacanna
Mending, leuwih hade	Langkung sae	Langkung sae
Meujeuhna	Meujeuhna	Cekap
Meueun	Panginten	Panginten
Mimimti, mimitina	Kawitna	Kawitna
Minangka	Etang-etang	Etang-etang
Mindeng, remen	Sering	Sering
Minyak	Lisah	Lisah
Muga	Mugi	Mugia
Mupakat, rempug	Mupakat, rempug	Rempag
Murah	Mirah	Mirah

Basa Loma jeung Basa Lemes (N)

Basa Loma	Basa Lemes (keur ka sorangan)	Basa Lemes (keur ka batur)
Najan, sanajan	Sanaos	Sanaos
Ngan	Mung	Mung
Ngaran	Wasta, nami	Jenengan, kakasih
Ngeunah	Ngeunah	Raos
Ngora	Ngora	Anom
Nini	Pun nini	Tuang eyang
Nyaho	Terang	Uninga
Nyaring	Nyaring	Teu acan kulem
Nyolowedor	Nyolowedor	Midua maha

Basa Loma jeung Basa Lemes (O)

Basa Loma	Basa Lemes (keur ka sorangan)	Basa Lemes (keur ka batur)
Obat, ubar	Obat, ubar	Landong
Ogan, ondang	Ondang	Ulem
Ome, ngomean, menerkeun	Ngalereskeun	Ngalereskeun

Basa Loma jeung Basa Lemes (P)

Basa Loma	Basa Lemes (keur ka sorangan)	Basa Lemes (keur ka batur)
Paham	Paham, ngartos	Ngartos
Paju, maju	Majeng	Majeng
Pake, make	Nganggo	Nganggo
Palangsiang, bias jadi	Tiasa jadi	Tiasa jadi
Palire, malire	Malire	Merhatoskeun
Pamajikan	Pun bojo	Tuang rayi
Pancuran, kamar mandi	Jamban	Jamban
Pandeuri	Ti pengker	Ti pengker
Pang, pangna, numatak	Numawi	Numawi
Panggih, manggih, nimu	Mendak	Mendak
Pangkat, kadudukan	Kadudukan	Kalungguhan
Pangku, mangku	Mangku	Mangkon
Panon	Panon	Soca
Pantar, sapantar	Sapantar	Sayuswa
Paribasa	Paripaos	Paripaos
Pariksa, mariksa	Mariksa	Marios
Parna	Repot	Wales
Paro, saparo	Sapalih	Sapalih
Pasti, tangtu	Tangtos	Tangtos
Pati, teu pati	Teu patos	Teu patos
Patuh, matuh	Matuh	Linggih
Payung	Payung	Pajeng
Pedah	Kumargi, jalaran	Rehing, rehna
Penta, menta	Neda, nyuhunkeun	Mundut
Pecak, mecak, nyoba	Nyobi	Nyobi
Pencet, mencetan	Meuseulan	Meuseulan
Percaya	Percanten	Percanten
Perlu	Perlu	Peryogi
Permisi	Permios	Permios
Peuting	Wengi	Wengi
Pihape, mihape	Wiat	Ngaweweratan
Piker	Piker	Manah
Piligenti	Piligentos	Piligentos
Pindah	Pindah	Ngalih
Pingping	Pingping	Paha
Pipi	Pipi	Damis
Poe	Dinten	Dinten
Poho	Hilap	Lali
Potong, popotongan	Patilasan	Patilasan
Puasa	Puasa	Saum
Puguh, tangtu	Tangtos	Tangtos, kantenan
Purun	Purun	Kersa

Basa Loma jeung Basa Lemes (R)

Basa Loma	Basa Lemes (keur ka sorangan)	Basa Lemes (keur ka batur)
Rarabi	Rarabi	Garwaan
Raksa, pangraksa	Pangraksa	Panangtayungan
Ramo	Ramo	Rema
Rampes	Mangga	Mangga
Rasa, rumasa	Rumaos	Rumaos
Rea, loba	Seueur	Seueur
Receh	Receh	Artos alit
Reujeung	Bareng	Sareng
Reuneuh	Kakandungan	Bobot, ngandeg
Reureuh	Reureuh	Ngaso
Rieut	Rieut	Puyeng
Ripuh	Ripuh	Repot
Robah	Robah	Robih
Roko, ududeun	Roko	Sesepeun
Rua, sarua	Sarupi, sami	Sarupi, sami
Rusuh, rurusuhan	Enggal-enggalan	Enggal-enggalan

Basa Loma jeung Basa Lemes (S)

Basa Loma	Basa Lemes (keur ka sorangan)	Basa Lemes (keur ka batur)
Saba, nyaba	Nyanyabaan	Angkat-angkatan
Sabot	Keur waktu	Waktos
Sabuk, beubeur	Beubeur	Beulitan
Sadia	Sayagi	Sayagi
Sakeudeung	Sakedap	Sakedap
Salah	Lepat	Lepat
Salah saurang	Salah sawios	Salah sawios
Salaki	Pun lanceuk	Caroge, tuang raka
Salamet	Salamet	Wilujeng
Salat, solat	Sambeang	Netepan
Salesma	Salesma	Pilek
Salempang, hariwang	Salempang	Salempang, rajeg manah
Salin, disalin	Disalin	Gentos
Samak	Amparan	Amparan
Sampak, nyampak	Nyampak	Nyondong, kasondong
Samping	Sinjang	Sinjang
Sanding, kasanding	Kasanding	Kasumpingan
Sanggeus	Saparantos	Saparantos
Sanggup	Sanggem	Sanggem
Sare	Mondok	Kulem
Sarerea	Sadayana	Sadayana
Sarta, jeungna deui	Sareng	Sareng
Sarua	Sami	Sami
Sasarap	Sasarap, neda	Tuang
Sawah	Sawah	Serang
Sejen	Sejen	Sanes
Seleh, nyelehkeun	Masrahkeun	Nyanggakeun, ngahaturkeun
Selewer, nyelewer	Midua hate	Midua manah
Semah	Tamu	Tamu
Sesa, kari	Kantun	Kantun
Sebut	Sebat	Sebat
Serah, nyerahkeun	Mirak	Mirak, ngeser
Seubeuh	Sesek	Wareg
Seuri	Seuri	Gumujeng
Siar, nyiar	Milari	Milari
Sibanyo	Sibanyo	Wawasuh
Sirah	Sirah	Mastaka
Sirit	Larangan	Larangan
Sisir	Pameres	Pameres
Soara, sora	Sora	Soanten
Sorangan	Sorangan	Nyalira
Sore	Sonten	Sonten
Sugan, manawi	Manawi	Manawi
Suku	Suku	Sampean
Sunat, nyunatan	Ngabersihan	Nyepitan
Sungut	Cangkem	Baham
Supaya	Supados	Supados
Surat	Serat	Serat, tetesan
Suweng	Suweng	Kurabu, giwang

Basa Loma jeung Basa Lemes (T)

Basa Loma	Basa Lemes (keur ka sorangan)	Basa Lemes (keur ka batur)
Tabeat	Adat	Panganggo
Tadina	Awitna, kawitna	Kawitna
Tai	Kokotor	Kokotor
Taksir, ngira	Nginten-nginten	Nginten-nginten
Taktak	Taktak	Taraju
Talatah	Wiat saur	Wiat saur
Tambah	Tambih	Wuwuh
Tampa	Tampi	Tampi
Tanda, ciri	Tawis	Tawis
Tangen, katangen	Kanyahoan	Kauninga
Tangtung, nangtung	Nangtung	Ngadeg
Tanya	Taros	Pariksa
Tapi	Nanging	Nanging
Tarang	Tarang	Taar
Tarima	Tampi	Tampi
Tawar, nawar	Nawis	Mundut
Tayoh, tayohna	Rupina	Rupina
Teang, neangan	Milari	Milari
Tenjo, nenjo, nempo	Ningal	Ningali
Tepi, nepi	Dugi	Dugi
Tere	Tere	Kawalon
Tereh	Enggal	Enggal
Teleg, teureuy	Teleg	Telen
Tembang, nembang	Nembang	Mamaos
Tepung	Tepang	Tepang
Terus	Teras	Teras
Teundeun	Simpen	Simpen
Tincak	Tincak	Dampal
Titah, nitah, jurung	Ngajurungan	Miwarangan
Tonggong	Tonggong	Pungkur
Topi, dudukuy	Topi, dudukuy	Tudung, langgukan
Tulis	Tulis	Serat
Tulung, pitulung	Pitulung	Pitandang
Tulus	Cios	Cios
Tuluy	Teras, lajeng	Teras, lajeng
Tumpak	Tumpak	Tunggang
Tunggu	Antos	Antos
Turun	Turun	Lungsur

Basa Loma jeung Basa Lemes (U)

Basa Loma	Basa Lemes (keur ka sorangan)	Basa Lemes (keur ka batur)
Ucap	Ucap	Kedal, lisan
Ulah	Teu kenging	Teu kenging
Ulin	Ulin	Ameng
Umur	Umur	Yuswa
Urus, nguruskeun	Ngalereskeun	Ngalereskeun
Urut	Tilas	Tilas
Utama	Utami	Utami

Basa Loma jeung Basa Lemes (W)

Basa Loma	Basa Lemes (keur ka sorangan)	Basa Lemes (keur ka batur)
Waktu	Waktos	Waktos
Wani	Wantun	Wantun
Waras	Cageur	Damang
Wareh, sawareh	Sapalih	Sapalih
Warga, dulur	Wargi	Wargi
Watara, sawatara	Sawatawis	Sawatawis
Wawuh	Wanoh, kenal	Kenal
Wedak	Pupur	Pupur
Wedal	Wedal	Weton
Wilang, kawilang	Kaetang	Kaetang
Wudu	Wulu, wudu	Abdas