Kamus Basa

A

• Abdas = Wudu
• Adean = Kabitaan; ginding
• Adigung = Boga rasa punjul ti batur
• Aheng = Aneh jeung hebat
• Alatan = Sabab
• Alewoh = Loba tatanya (nu bener)
• Amit, Amitan = Menta idin rek indit; permisi
• Ampih = Nyimpen
• Amprok = Panggih hareupeun; patepung
• Ancad laer = Nyaritana anca pisan atawa laun pisan
• Ancin = Daharna saeutik
• Ancrub = Asup kana cai
• Andika = Maneh
• Andalemi = Lungguh timpuh; lemes tingkah lakuna
• Anggang = Jauh; renggang
• Angkaribung = Loba; riweuh ku babawaan
• Angkeuhan = Sangkaan
• Andegleng = Diuk ajeg tumaninah dina korsi
• Andeprok = Emok rekep (keur awewe)
• Anjeucleu = Diuk ngeunah-ngeunah di tempat nu rada luhur
• Anjun = Tukang nyieun parabot tina taneuh
• Anom = Ngora
• Anleh = Bakat
• Astana = Kuburan
• Atikan = Didikan; warahan
• Awuntah = Sok ngamomonyah kana rejeki; boros

B

• Baid = Teu sudi
• Babakan = Lembur anyar
• Babar = Lahir
• Balaka = Terus terang
• Balungbang = Kamalir gede sarta rada jero jang tadah cileuncang
• Balukang = Palapah daun kalapa atawa kawung
• Balukar = Akibat
• Baketut = Pasemon nu camberut; goreng budi; goreng semu
• Balakasikang = Awewe nu kalakuanana jiga lalaki
• Baruk = Kitu; kutan
• Barusuh = Sariawan
• Basajan = Saayana; sederhana
• Basangkal = Budak nu teu nurut ka kolot
• Bebengkung = Kaen panjang nu dipake kunu geus ngajuru
• Bewara = Berita; beja
• Belik = Pundung
• Belok = Kotor nu napel jeung loba
• Berag = Jagjag; sehat
• Biheung = Teuing; can tangtu
• Bireuk = Teu wawuh
• Boboko = Wadah sangu tina anyaman
• Bobor = Maot; tiwas; cilaka
• Bogol = Bagian tangkal kalapa atawa cau nu panghandapna (tempat bijilna akar)
• Boyot = Leumpang kendor bangun bareurat awak; mindeng katinggaleun batur
• Bedang = Wangkelang; bedegong; murugul; mawa karep sorangan
• Berewit = Babarian katerap panyakit; budak nu loba kahayang
• Binangkit = Rea kabisa
• Baralak/barangbang = Daun kalapa nu geus garing dina tangkalna
• Bayeungyang = Hareudang pisan
• Beueus = Rada baseuh
• Bojo = Pamajikan
• Buncir = Pinuh ku eusi
• Bujangga = Tukang nyieun atawa nulis carita
• Buruan = Taneuh kosong hareupeun imah
• Bubulak = Sarupa tegalan nu pinuh ku jukut nu aya di lamping atawa di pasir
• Bungin = Pulo di muara walungan

C

• Caah = Banjir
• Cacap = Beres; tamat
• Calakan = Babari ngarti kana palajaran atawa kana hal-hal anu anyar
• Campego = Cingogo kawas aya nu didagoan
• Candeluk/cindeluk = Diuk sabaraha lilana kawas aya nu didagoan
• Candoli = Tukang ngajaga pabeasan di nu kariaan (biasana awewe)
• Cangogo/cingogo = Nagog (peta saperti nu keur bubuang)
• Carecet = Saputangan
• Caroge = Salaki
• Catang = Tangkal kai nu geus ngagoler (garing) lantaran runtuh atawa dituar
• Cilingcingcat = Bulak-balik unggal usik
• Capetang = Pinter tur lancar ngomong (budak)
• Careraman = Budak nu sok kabitaan ku barang au aya di batur
• Cawokah = Wani (rada nuju kanu jorang)
• Celembeng = Loba omong (budak)
• Cidra = Teu nohonan jangji; jalir
• Cileureun = Balangah; teu nenjo nu ngaganggu barang nu keur dijaga
• Cilimit = Budak nu resep ngaheureuyan awewe; sok menta kadaharan batur
• Cirigih = Budak nu sok resep ngaheureuyan batur
• Codeka = Laku lampah goreng
• Cologog = Kalakuan nu teu make tatakrama
• Conggah = Leuwih loma; akrab; someah
• Curaling = Sok resep pulang-paling

D

• Dalit = Deukeut; akrab; karib
• Darehdeh = Someah; akuan; matak resep omonganana
• Daria = Migawe hiji hal kalayan enya-enya
• Dareuda = Ngomong dibarengan ku kasedih atawa kabungah nu nyedek
• Dayeuh = Kota
• Dedegler = Gampang teuteunggeul bari tara asa-asa; taya rasrasan
• Deleka = Julig; resep nyusahkeun atawa nyilakakeun batur
• Deog/Pengkor = Leumpang dingdet lantaran suku nu sabeulah rada pondok
• Derenten = Kebon binatang
• Deuheus = Deukeut; tepung
• Deungeun = Batur
• Dohot-dohot = Leumpang lalaunan bari semu dodongkoan jiga nu ngadodoho
• Doja = Coba; ganggu
• Dudukuy = Sabangsa topi
• Dungus/Rungkun = Gundukan tatangkalan laleutik nu rada rembet
• Duriat = Rasa kacinta

E

• Ecag = Turun
• Eces = Jelas
• Egang/Egol = Leumpang jiga budak nu anyar disunatan
• Elekesekeng = Teu daek cicing
• Elodan = Teu boga pamdegan; tuturuti
• Emok = Diuk awewe, sukuna duanana ditikelkeun semu ka gigir
• Emok Cabok = Emok nu pingpingna dipatumpangkeun
• Enggon = Kamar
• Enjing = Isuk; besok; enjing-enjing
• Epes meer = Elehan
• Eunteung = Kaca cermin
• Euntreup = Biasana dilarapkeun kana manuk nu reureuh dina dahan tatangkalan
• Euyeub = Loba; seueur

G

• Galengan = Tambakan leutik (ngagaleng manjang) ngawangun kotakan sawah
• Galur = Jalan
• Garihal = Kasar
• Garwa = Istri; pamajikan
• Gawir = Sisi jurang; taneuh anu lungkawing
• Gehgeran = Latah
• Gending = Tukang nyieun parabot tina kuningan
• Geumpeur = Gugup
• Geuwat = Buru; enggal
• Girang = Tempat jol ngocorna cai; cai nu ngocorna ti girang ka hilir
• Goah = Gudang
• Gohgoy = Batuk
• Gondewa = Busur panah
• Guligah = Bangblas hate tur gumbira
• Golodog = Teras
• Gonjleng = Leumpang awewe bari ngobah-ngobahkeun awak

H

• Haat = Karunya
• Halimpu = Raos kadanguna; merdu
• Halodo = Usum panas; teu hujan
• Hanaang/halabhab = Haus
• Hanjelu = Hanjakal
• Harupat = Sabangsaning injuk nu teuas tina tangkal kawung; siga nyere
• Hariwang = Melang
• Hemeng = Heran
• Heuleut = Waktu antara
• Hieum = Iuh loba tatangkalan
• Hilir = Tempat nu dituju ku cai nu ngocor lantaran leuwih handap
• Honcewang = Sieun
• Huma = Tanah darat nu dipelakkan pare teu dikocoran cai (ngandelkeun cai hujan)
• Hunyur = Taneuh nu munjukul siga imah rinyuh di tegalan

I

• Icikibung = Ancrub; pimilueun
• Idekliher = Ulin; gaul di tempat nu sarua
• Igel = Joged
• Ijid = Geuleuh kacida
• Ijir = Taksir; kira-kira
• Ilahar = Lumrah
• Inggis = Sieun; paur
• Ingkab = Kelek
• Inohong = Gegeden
• Ingon-ingon = Sasatoan nu dipiara
• Ingkud-ingkudan/Jingkrung = Leumpang teu bener lantaran nyeri suku
• Ipet = Sila
• Iwung = Anak awi nu mangrupa boros keneh
• Iteuk = Tongkat paragi leumpang
• Itikurih = Leukeun neangan rejeki

J

• Jalir = Teu minuhan jangji
• Jalugjug = Jangkung
• Jamparing = Anak panah
• Jajaten = Kasaktian; kabisa
• Jarigjeug/Jumarigjeug = Leumpang bari semu rek labuh
• Jenengan = Nami
• Jentre = Jelas; cekas
• Jigrah = Jajag; sumanget
• Jingjet = Leumpang semu hese ngalengkah lantaran cacad

K

• Kabayan = Tukang dititah ka ditu ka dieu
• Kabojengkeng = Tukang ngagusur padati
• Kajineman = Mandor sakitan; tukang ngajaga jinem (nu dihukum)
• Kakasih = Nami
• Kalakay = Daun nu geus garing (nu geus murag kana taneuh)
• Kantun = Sesa; tinggalkeun
• Kawalon = Tere
• Kamasan = Tukang nyieun parabot tina emas atawa perak
• Kararas = Sesebutan husus pikeun daun cau nu geus garing
• Karees = Sisi walungan nu rea keusikan minangka kikisik
• Katiga = Usum halodo
• Kepoh = Leumpang teu bener lantaran tuur rada paadu (kawas aksara X)
• Kikisik = Sisi laut nu mayak sarta keusikan
• Kinten = Kira-kira
• Kintun = Kirim
• Kiwari = Ayeuna
• Koleang = Daun nu geus garing, nu ngoleang murag tina tangkalna
• Kukurubutan = Leumpang rada dodongkoan dinu bala atawa dinu remet kakayon
• Kulaer = Kusir anu tumpakna dina kuda kareta pangagung
• Kumed = Pedit kacida
• Kuncen = Tukang ngurus kuburan
• Kolecer = Kipas

L

• Lalawora = Gagabah
• Lali = Poho
• Lamping = Bagian gunung atawa pasir antara puncak jeung tutuganana
• Landeuh = Tempat anu leuwih handap ti tempat urang
• Landong = Ubar
• Layon = Jasad nu maot; mayit
• Lebak = Tempat nu leuwih handap ti batan tempat urang cicing
• Legig = Tukang ngasruk dina pamoroan
• Legok = Tempat nu rada handap ti tempat nu aya di sakurilingeunana.
• Legon = Bagian basisir anu ngelok ka darat, sarupa teluk ngan leuwih leutik
• Lengkob = Tempat anu legok antara dua lamping
• Leleson = Istirahat
• Lembar = Diuk bari ngalonjorkeun suku duanana
• Lesang = Leueur
• Leuit = Tempat nyimpen pare
• Leuwi = Walungan nu gede tur caina tenang
• Lisah = Minyak
• Limpeuran = Pohoan
• Loket = Dompet
• Lamokot = Belepotan
• Lugina = Tengtrem; bagja hate
• Lungse = Leuleus; cape
• Luyu = Panuju; bener dina aturan

M

• Mancawura = Mawur kamamana
• Malahmandar = Supaya; mugi-mugi janten sabab
• Malim = Tukang nalukkeun sasatoan
• Manah = Hate
• Maneuh = Angger; tetep tutuluyan
• Mangsa = Waktu
• Maranggi = Tukang nyieun landean jeung sarangka keris
• Medar = Muka; ngaguar jeung metakeun
• Meupeus keuyang = Ngabudalkeun kakeuheul ka nu teu tuah teu dosa
• Merebot = Tukang nakol bedug
• Mindo = Ngaduakalian
• Miwah = Sareng
• Moyongkod/Mongkoy = Leumpang rada dongko, nembongkeun sieun atawa era
• Mucekil = Mundel; loba hasilna
• Munggaran = Mimiti
• Murangkalih = Budak leutik

N

• Nagog = Cingogo
• Nanggeuy gado = Diuk biasa ngan leungeun sabeulah dipake nanggeuy gado
• Nalika = Hiji mangsa; ketika
• Narabas = Leumpang di nu bala atawa dinu remet kalawan teu midul cucuk
• Neker = Leumpang di tempat nu nanjak pisan (netek)
• Nelenden = Leumpang budak; anca; pikalucueun
• Ngabadaus = Leumpang semu gancang teu luak-lieuk
• Ngabaheuhay = Diuk nyanghunjar bari suku direnggangkeun lantaran cape
• Ngabengbeos/Mengpeos = Leumpang teu luak-lieuk lantaran aya kakeuheul
• Ngabring = Leumpang babarengan (lobaan)
• Ngabrul = Kaluar atawa indit babarengan
• Ngaburudul = Kaluar lobaan ti tempat
• Ngadaligdeug/Dalugdag-daligdeug = Leumpang kawas nu mabok
• Ngadedod = Awewe nu leumpang anca sarta biritna ka kenca ka katuhu
• Ngadigdig = Leumpang gancang sarta segut
• Ngadigleu = Leumpang kendor, semu bareurat ngalengkah
• Ngadudud = Leumpang gancang teu luak-lieuk
• Ngagandeuang = Leumpang bari dada ajeg, bari keupat laun
• Ngageang = Leumpang semu egang
• Ngageblay = Leumpang awewe, anca, bari keupat laun, geblay-geblay
• Ngageblig = Leumpang bari neundeut-neundeutkeun suku nepi kadenge sora
• Ngageboy = Leumpang awewe nu rada lintuh, awakna semu leuleus
• Ngagegag = Leumpang kendor semu bareurat awak
• Ngageuyeunggeung = Leumpang laun alatan gering atawa hudang gering
• Ngageyot/Ngagiyet = Leumpang awewe bari semu ngobah-ngobahkeun bujur
• Ngagidig/Ngagedig = Leumpang gancang sarta segut (sarua jeung ngadigdig)
• Ngagigeug = Leumpang semu beurat ku awak, oyag ka kenca ka katuhu.
• Ngagilincing = Sesebutan nu keur leumpang teu mawa naon-naon
• Ngagiplek = Leumpang awewe bari semu ngagutak-gitek bujur
• Ngalageday/Ngalegeday = Diuk nyangsaya, biasana dina korsi males
• Ngalanggeor = Leumpang awewe, biasana nu lenggik, nu alus katempona
• Ngalejeg/Lajag-lejeg = Leuleumpangan di hareupeun batur bari ambek
• Ngalenghoy = Leumpang alon lantaran cape
• Ngaleut = Leumpang babarengan (jalmana leuwih loba tibatan ngabring)
• Ngaleyad = Leumpang anca diaplen
• Ngantay = Sarua jeung ngaleut
• Ngebebengkong = Diuk lila rada semu bengkung, bari nganggur
• Ngeteyep = Leumpang lalaunan alatan sieun kadenge atawa katempo ku batur
• Ngeungkeuy = Saharti jeung ngaleut
• Ngijih = Usum hujan
• Ngiciprit = Leumpang keur waktu hujan atawa loba keneh cileuncang
• Ngincid = Leumpang gancang sorangan
• Ngingkig = Leumpang ganjang teu luak-lieuk
• Ngungkug = Leumpang gancang teu luak-lieuk
• Niliktik = Leumpang budak nu kakara bisa leumpang gancang
• Nogencang = Salah; henteu pas; bengkok
• Nolog = Lempang talag-tolog (lantaran teu awas) di nu poek
• Noyod = Leumpang nurutkeun karep sorangan, teu malire ka nu nyaram
• Nyanghunjar = Diuk bari ngalonjorkeun suku sabeulah
• Nyangsaya = Diuk bari nyarandekeun awak kana tempat nu disarandean
• Nyarawedi = Tukang ngagosok permata
• Nyelengceng = Leumpang gancang sosoranganan, miheulaan batur
• Nyerenteng/nyirinting = Leumpang semu lumpat bari mawa kaambek
• Nyuprih = Neangan

O

• Ocon = Heureuy
• Olohok = Bengong
• Olok = Hambur
• Openan = Usil; iseng
• Ontrog = Didatangan bari ambek
• Otokowo = Cicing wae di hiji tempat atawa pagawean; teu daek liar
• Owah = Robah; gelo
• Owel = Lebar; pedit

P

• Padaringan = Wadah beas
• Pancen = Tugas
• Palias = Cadu; embung pisan
• Pahatu = Piatu; Pahatu lalis = yatim piatu
• Pajaratan = Kuburan
• Pajeng = Payung; payu (dina dagang)
• Pakacar = Bujang; juru laden
• Pakeun/Pikeun = Kanggo; supaya; jadi sabab
• Pakewuh = Kariweuhan; Bancang pakewuh = cocoba; dodoja
• Palatuk = Iber anu tumpak kuda saheulaeun pangagung
• Paledang = Tukang nyieun parabot tina tembaga
• Palika = Tukang teuleum (ngala lauk)
• Palire = Tingali; merhatikeun
• Paluruh = Pilari; teangan
• Pamatang = Tukang moro nu sok ngagunakeun tumbak
• Pamayang = Tukang ngala lauk di laut
• Pameunteu = Raray; beungeut
• Pancar = Tangkal awi nu geus garing (sok dipake suluh)
• Panday = Tukang nyieun parabot tina beusi
• Paneker = Bantu paragi nyieun seuneu
• Paneresan = Tukang nyadap
• Pangpung = Bagian dina tangkal kai atawa dahan nu paeh/garing
• Paninggaran = Tukang moro
• Papasten = Takdir
• Pasalia = Beda; teu sarua
• Pasanggiri = Lomba
• Patulayah = Balatak
• Pawon = Dapur
• Pirosea = Merhatikeun bener kana ngurus
• Pituin = Asli
• Pohara = Loba
• Petet = Bibit tutuwuhan nu leutik keneh, nu jadi sorangan atawa ngahaja melak
• Pinton = Nu di lalajoan
• Pipir = Sisi imah
• Purunyus = Cengos ka awewe cunihin nu pikasebeleun

R

• Raksukan = Acuk; baju
• Rabmisak = Ceurik bari ngaluarkeun cimata nu loba
• Ranca = Rawa
• Rancatan = Awi paranti nanggung
• Rarampeolan = Leumpang semu leuleus alatn mabok jeng sajabana
• Rawuh = Sareng
• Rayungan = Teu boga pamadegan
• Rebo = Riweuh ku babawaan; sagala di bawa
• Regol = Kampung nu aya di sabudeureun gedong kabupaten beulah tukang
• Reuma = Tanah darat urut huma anu keur direureuhkeun lantaran geus teu subur
• Rempan = Inggis; paur
• Reueus = Resep
• Rincug = Leumpang teu bener lantaran nyeri dampal suku
• Ropea = Menerkeun nu salah; koreksi
• Ruhay = Dapuran seuneu
• Rumingkang = Ngalalana; ngalakonan kaayaan
• Ruyung/Bogor = Bagian anu teuas dina tangkal kawung

S

• Sabatae = Boga waktu luang
• Sagara = Laut; samudra
• Sampalan = Tegal tengah leuweung tempat nyatuan sato jarah
• Samporet = Meped; saeutik
• Saksen = Saksi
• Sanajan = Sanaos
• Sangkan = Supaya; supados
• Sarati = Tukang ngusir gajah
• Sawala = Musawarah; rundingan
• Sedong = Angkrong di sisi walungan di jero leuwi
• Semah = Tamu
• Seseleket = Leumpang di antara jelema loba
• Seselendep = Sarua jeung seseleket
• Sidengdang = Diuk bari suku duanana dirumbaykeun
• Sideuha = Diuk emok atawa sila bari leungeun sabeulah dipake nulak awak
• Sila = Diuk bari nikelkeun suku duanana handapeun pingping nu didengkakkeun
• Sila andekak = Sila semu rubak, biasana bari nyanghareupan kadaharan
• Sila ipis = Sila rubak, tuur anggang pisan tepi ka jebrag
• Sila mando = Sila bari leungeun duanana ditumpangkeun di antara dua suku
• Sila tumpang = Sila bari dampal suku duanana numpang dina pingping
• Sila tutug = Suku nu sabeulah sila, sedeng nu sabeulah deui ditutugkeun
• Silih = Saling
• Singkang = Leumpang semu jegar lantaran suku lebah tuur ka handap semu kaluar
• Siloka = Ngandung harti lain; ibarat
• Simbeuh = Cepretan cai
• Singer = Hade gawe bari hideng
• Siram = Ibak; mandi
• Sirung = Pidahaneun atawa pitangkaleun nu kakara jadi; melentis
• Somang = Jurang anu gurawes sarta jero
• Songsong = Paranti ngahurungkeun hawu
• Sosi = Konci; tulak
• Sologoto = Teu ati-ati
• Sulaya = Salah; nyalahan; jalir
• Supata = Sumpah

T

• Takoah = kupat tahu
• Tagog = Wujud; tingkah
• Talatah = Pesen; pangbejakeun
• Talungtik = Taliti
• Tandang = Tampil
• Tanginas = Hudang; datang leuwih awal
• Tanwande = Pasti
• Taraju = Taktak duanana
• Tarekah = Usaha; cara
• Tawis = Tanda
• Tepas = Teras
• Tipar = Pihumaeun memeh disasap atawa dipacul
• Tonggoh = Tempat anu leuwih luhur ti batan tempat urang cicing
• Toloheor = Mata karanjang; bogoh ka unggal awewe; bangor ka awewe
• Tonggoy = Leumpang teu luak lieuk, bari tungkul, teu mirosea ka nu ngageroan
• Totolonjongan = Leumpang kawas nu rek tijongjolong
• Tunggul = Bagian tangkal sesa nuar
• Turugtug/Nurugtug = Leumpang gancang di nu mudun
• Tutugan = Suku gunung; bagian gunung beulah handap
• Tuturubun = Leumpang turun rurusuhan; buru-buru
• Tunggara = Sangsara; sedih

U

• Udar = Buka
• Uduh = Babari ruksak
• Udur = Gering
• Ulem = Ondang; undang
• Unggah = Naek
• Unggal = Tiap-tiap
• Usik = Gerak; waktu
• Ulubiung = Ngiluan; partisipasi
• Ulukutek = Gaul di hiji tempat nu angger; sabangsa kadaharan

W

• Waas = Ngabayangkeun hiji kaayaan nu kacida endah atawa goreng
• Walagri = Sehat; jagjag
• Walatra = Jelas; nyaan bukti
• Walungan/Wahangan = Sungai
• Wanci = Waktu
• Wanoja = Mojang; gadis
• Wawaran = Bewara; pengumuman
• Wanoh = Wawuh
• Wegah = Hoream
• Wentar = Nelah; kawentar
• Wewengkon = Tempat; wilayah; widang
• Widi = Ijin
• Wirang = Era
• Wiwaha = Wawasan
• Wuwung = Suhunan imah

Y

• Yaktos = Nyaan; leres; yakin
• Yen = Nyaeta
• Yuswa = Umur

---