Istilah Patukangan dina Basa Sunda

Patukangan teh nyaeta anu boga pagawean atawa anu purah migawe hiji pagawean. Aya rupa-rupa patukangan nu dina Basa Sunda miboga istilah sewang-sewangan, saperti di handap ieu.

• Amil; lebe » nu nguruskeun saniskara nu aya patalina jeung agama di pilemburan
• Anjun » Tukang nyieun parabot tina taneuh
• Badaya » Awewe Tukang ngigel di karaton atawa di kabupaten
• Baramaen » Tukang jajaluk
• Bengkong » Tukang nyunatan
• Bujangga » Tukang nyieun/ nulis carita
• Candoli » Tukang ngajaga pabeasan di nu kariaan (biasana awewe)
• Dalang » Tukang ngalakonkeun carita wayang
• Gending » Tukang nyieun parabot tina kuningan
• Indung beurang » Paraji nu sok ngurus ngajuru jeung ngurus orok
• Juru ngapung » Pilot; Tukang nyetiran kapal udara
• Juru pantun » Tukang mintonkeun pantun atawa carita pantun
• Kabayan » Tukang dititah ka ditu da dieu
• Kabojengkeng » Tukang ngagusur padati
• Kajineman » Mandor sakitan; tukang ngajaga jinem (nu dihukum)
• Kamasan » Tukang nyieun parabot tina emas atawa perak
• Kulaer » Kusir anu tumpakna dina kuda kareta pangagung
• Kuncen » Tukang ngurus kuburan
• Legig » Tukang ngasruk dina pamoroan
• Lopor » Tukang ngagondeng jeung ngeureunkeun kuda
• Malim » Tukang nalukkeun sasatoan
• Maranggi » Tukang nyieun landean jeung sarangka keris
• Masinis » Tukang ngajalankeun lokomotip
• Merebot » Tukang nakol bedug
• Nayaga » Tukang nabeuh gamelan
• Nyarawedi » Tukang ngagosok permata
• Oah » Tukang ngalulugukeun lampah teu eucreug
• Pakacar » Bujang; juru laden
• Palatuk » Iber anu tumpak kuda saheulaeun pangagung
• Paledang » Tukang nyieun parabot tina tembaga
• Palika » Tukang teuleum (ngala lauk)
• Pamatang » Tukang moro (nu sok ngagunakeun tumbak)
• Pamayang » Tukang ngala lauk di laut
• Panday » Tukang nyieun parabot tina beusi
• Paneresan » Tukang nyadap
• Paninggaran » Tukang moro
• Panyumpit » Tukang moro nu make sumpit
• Sarati » Tukang ngusir gajah
• Supir » Tukang nyetiran mobil (*)