Parabot Nu Dijieun Tina Garabah, Kai, jeung Sajabana

Parabot nu dijieun tina garabah

• Anglo » Hawu leutik paranti masak
• Cowet » Paranti nyambel, ngarujak, atawa ngalotek
• Gentong » Wadah cai
• Jajambaran » Tempat kukumbah
• Kekeb » Paranti nutupan sagu dina aseupan
• Kendi » Wadah cai asak pikeun nginum
• Keren » Paranti nyieun surabi (anglo leutik)
• Mutu; gegerus » Paranti ngarendos bungbu pikeun masak
• Pariuk » Paranti ngangeun
• Paso » Saleutikeun jajambaran
• Pependil » Paranti ngaliwet

Parabot nu dijieun tina kai, awi, hoe, jeung sajabana

• Abir » Peso gede paranti motongan daging
• Anglo » Paranti ngayak tipung
• Bokor » Tempat bubuahan tina tambaga
• Cakil; cangklek » Paranti ngagantungkeun siwur atawa ngaitkeun boboko
• Canting » Siwur leutik tina awi
• Cempor » Damar leutik (make minyak tanah)
• Cewo » Wadah apu pikeun ngalemar
• Damar » Pikeun nyaangan di dapur (make minyak tanah)
• Delepak » Paranti nyaangan make minyak suuk
• Dingklik » Jojodog jangkung keur diuk waktu gogoreng
• Dongdang » Wadah kadaharan anu geus asak (biasana keur ondangan)
• Dulang » Paranti ngarih atawa ngakeul tina kayu
• Gerengseng » Paranti nyieun dodol/wajit
• Giribig » Sabangsa bilik tapi dianyam rarekep keur moe bangsal (pare)
• Goah » Ruangan leutik paranti nyimpen beas atawa tempat ngukus
• Halu » Paranti nutu
• Jojodog » Paranti diuk bari nagog
• Kacip » Pameulahan jambe (saperti gunting)
• Kaneron » Kantong tina hoe anu bias dicangklek
• Kati » Paranti nyiuk beas tina batok kalapa
• Kawali » Paranti gogoreng
• Keda » Paranti nyimpen sangu tina kayu nari aya tutupna
• Kele » Paranti ngala cai
• Koja » Wawadahan tina jaring
• Loloco » Paranti ngaloco lemareun (biasa tina tambaga atawa kuningan)
• Meno » Cangkir leutik taya gagangan
• Padaringan » Tempat nyimpen beas
• Paraseuneu » Tempat nyimpen bibinihan luhureun hawu
• Peso » Paranti keukeureut olahan di dapur
• Poci » Teko leutik
• Seeng » Paranti nyangu make aseupan
• Sinduk » Paranti nyiuk angeun (tina batok kalapa)
• Siwur » Paranti nyiuk cai
• Songsong » Paranti niup seuneu di hawu
• Talenan » Paranti ngahiris bawang atawa bungbu lianna
• Tampolong; paidon » Tempat ngaluah anu nyeupah
• Teko » Paranti wadah cai pikeun nginum
• Ulakan » Pikeun ngageleng jenggel keur nyieun opak (*)