Lalakon Bujang Lapuk

Pasemonna tara berag. Alum. Nyarita saperluna. Cukup nyebut nuhun atawa muhun mun ditanya. Unggal amprok jeung tatangga tibang unggeuk. Ruang-riung tara pisan. Antukna teu boga batur. Nyorangan salawasna.

Tara-tara ti sasari. Awakna muriang. Ngagibrig. Deudeuleuan ranyay. Isuk-isuk hudangna aya nu maturan. Ngaceng kawas pestol. Gura-giru ka jamban.

"Alhamdulillah...!" ceuk manehna. Nu ngocor di jamban aya dua. (*)

---

Irman N Dimyatié