Ikhlaskeun

Hiji poe Ceu Izah keur ceurik nginghak bari nyuuh di luhureun kuburan salakina. Keur kitu jol Mang Otib datang.

Mang Otib: "Tos Neng ikhlaskeun wae supados anjeunna tenang!"
Ceu Izah: "Kumaha atuh Mang, abdi sedih dugi ka kiwari can aya gantina."
Mang Otib: "Mun Eneng kersa mah, Mamang kersa janten gentosna!"
Ceu Izah: "Ari Mamang nyarios teh serius...?"
Mang Otib: "Leres atuh Neng, saha pamegetna nu bade nolak Eneng!"

Barang ngadenge jawaban Mang Otib, terus wae Ceu Izah ngageroan tukang gali kubur bari nyarita, "Cing Mang, panggalikeun salaki uing terus ganti ku Mang Otib, cenah manehna daek jadi gantina."

Mang Otib kapiuhan. (*)