Vampir Ngadu Jajaten

Aya vampir tiluan keur ngumpul di gunung rek ngadu jajaten. Nu pangkolotna ngomong, "Tungguan sakeudeung...!" Terus ngabelesat ngapung. Dua menit geus balik deui bari sungutna getih wungkul.

"Kaciri lembur itu?" ceuk manehna bari nunjuk ka lebah kenca.
"Enya...!" ceuk nu duaan.
"Ku aing kabeh jelema di dinya beak getihna disedot."

Giliran nu kadua. "Bagean dewekeun...!" Belesat leungit saharita. Samenit geus mucunghul deui bari sungut jeung irungna pinuh ku getih.

"Kaciri kota nu itu?" ceuk manehna bari nunjuk ka lebah katuhu.
"Enya..." ceuk baturna nu duaan.
"Ku dewek saat kabeh getihna disedot!"

Nu pang ngorana teu loba omong, ngan belesat we leungit sapada harita. Lima detik geus datang deui bari getih ngucur tina beungeutna.

"Kaciri tihang listrik nu itu?" ceuk manehna bari nunjuk ka tengah.
"Enya..." ceuk nu dua.
"Ku uing kateunggar bieu! Teu kadeuleu...!"