SMS Nyasar

Pa Roni meunang SMS nyasar nu unina jiga kieu:

"Nak, tolong kirim pulsa 100 ribu ke nomor ini. Mamah lagi ada di kantor polisi, penting!"
Ku Pa Roni dibales. "Sia rek nipu aing nya? Ti iraha aing nyebut mamah ka indung aing, ti baheula oge Ema, nyaho!"

Teu lila aya balesan deui. "Jang, tolong kirim pulsa ke nomer ieu nu 100 rebu. Ema keur ada di kantor pulisi, penting!"
Ku Pa Roni di bales deui. "Istiqomah atuh euy! Rek make basa Sunda atawa Indonesia SMS-na?"

Teu lila aya balesan deui. "Jang, punten kintun pulsa anu 100 rebu ka nomer ieu. Ema nuju aya di kantor pulisi, penting!"
Ku Pa Roni dibales deui. "Hampura, teu boga! Pulsa aing ge tinggal 700 perak deui!"
Nu rek nipu oge ngabales deui. "Ngomong atuh ti tadi koplok, teu boga kituh! Cape aing rek nipuna oge!"
Dibales deui ku Pa Roni. "Da sia atuh make rek nipu aing! Gara-gara sia, pulsa aing tinggal 350 deui we!"

Nu rek nipu ngabales deui wae. "Naha atuh koplok dibales wae ku sia?!"
Pa Roni ngabales deui. "Aaaaaanyiiiiiiiiiiiiingggg! Da sia atuh nu ngamimitian koplok! Ieu pulsa aing nu terahir!"
Dibales deui wae kunu rek nipu. "Sarua! pulsa aing ge beak kehed!"

Les we ti dinya mah jempling. (*)