Si Kabayan jeung Sales Obat

Aya sales datang ka imah Kabayan mawa rupa-rupa obat manjur nu dikemas dina botol, ti mimiti botol pangleutikna tepi ka botol panggedena, sagede botol kecap. Hiji-hiji hasiatna ditawarkeun jentre pisan.

Sales: "Tah ieu nu botol alit, hasiatna kanggo nu gaduh panyawat sesak napas, asma, sulit bicara."
Kabayan: "Ari nu ieu?"
Sales: "Obat nu ieu kanggo nu gaduh panyawat gagal jantung, gagal ginjal, gagal panen, darah tinggi, darah rendah!"

Ampir kabeh ditataan. Aya obat ngalindur, obat anti kerek, borangan, pangedulan, barangasan, gede ambek, sasangkleng, gedebul, gede hulu, gembul, pikun, pohoan, tapi can aya tanda-tanda Kabayan rek meuli, kalah nanya deui.

Kabayan: "Cik…, ari nu na botol naon hasiatna Cep?"

Sales, bari teu tetep sabar: "Tah nu botol ageung ieu mah kanggo nu gaduh panyawat sesah kulem, dada berdebar-debar, kukurayeun bulu punduk, sareng traumatis ku nu nagih. Dileueutna sakaligus tengah wengi, teras botolna dibabukkeun kana mastaka Bapa dugi ka peupeus!"(*)