TKI Ti Arab Saudi

Kacaritakeun di hiji lembur aya hiji pamuda nu kakara balik jadi TKI di Aarab Saudi. Kabejakeun si eta pamuda teh mawa babawaan loba pisan keur oleh-oleh jang pamajikanana di lembur. Tayohna mah eta beja teh kadengeeun ku bangsat anu geus biasa ngaranjah eta lembur. Gancang carita, eta bangsat teh geus siap-siap rek ngajorag imah TKI tea engke peuting.

Dina peutingna eta bangsat teh geus ngadakom dina kenteng nungguan nu boga imah sare. Sanggeus lila ditungguan, nu boga imah teh can sare wae, ngadon hayoh ngobrol terus sosonoan da puguh geus lila teu panggih.

Si bangsat geus teu kuat cangkeuleun nungguan bari ngadedengekeun nu boga imah. Pok salakina ngomong ka pamajikanana, "Euh Nyi, meni liket asa ketan kieu", ceuk salakina. Pamajikanana seuri bari ngarangul.

Ngadenge kitu si bangsat anu geus lila nungguan beuki keuheul wae atuh. Jrut manehna turun tina suhunan bari pok ngomong, "Oncoman we sakalian ajig...!" bari dirigdig lumpat si bangsat teh. Teu kungsi lila eta bangsat teh balik deui bari jedak najong bilik bari manehna ngomong deui, "Dasar ulen siah...!"

Dirigdig deui we eta si bangsat teh lumpat. (*)