Elok Bangkong
"Kang mangga bade tayamum mah!" Song lebu nu diwadahan baki diasongkeun. Leungeun kuring dituyun ngalakukeun susuci samemeh netepan nu lima waktu.
"Mangga kawitan solatna, Ang! Abdi ngama'mum di sagedengeun Aang!" Kapireng manehna nuyun maca patihah, nu ngembeng dina kongkolak mata mimiti ngalembereh, nyakclakan bareng jeung galindengna jampe solat.
Karasa pisan belana, sok sanajan manehna can kungsi kabagjakeun kalawan daria. Asa era ku geten tur gemet manehna ngurusan kuring nu gering parna kiwari. Taya kaaral sumawona kageuleuh dina ngaraksa jeung ngariksa kaayaan kuring sapopoe. Nu teu walakaya. Nyayang! Samalah taya poe nu kalarung nuyun solat saban waktuna cunduk. Manehna tetep satia ngamum najan kuring ngama'mum ukur make isarat.
"Assalaamu’alaikuum...!" Aweh salam.
"Wa’alaikum salam warohmatullohi wabarokaatuuh...!" Kapireng sora halimpuna atra pisan basa manehna ngusap beungeut kuring, nutupkeun panon nu teu rido papisah.
Ki Sunda Sawawa
Reviewed by Rupa Sundapura
on
05.41
Rating:
