Mobil Anyar

"Kunaon maneh ngahuleng wae?" Amin nanya ka Jaja.

"Keur bingung. Bulan kamari uing balaka ka dunungan hayang kawin deui. Eta Neng Sumi anu kamari magang di dieu tea. Tapi dunungan lain nyarekan, kalahka mobil operasional uing nu Katana langsung diganti Pajero Sport nu anyar."

Amin seuri. "Alus atuh, eta teh hartina dunungan surti kana kahayang maneh."

"Aya ku bagja maneh mah, Ja. Hayang kawin deui didukung pisan ku dunungan. Naon tah jampena?" Amin mencrong kabita. Kabayang neng geulis nu camperenik jeung mobil anyar anu luis.

"Nu jadi riweuh, sabulan make mobil anyar, nombok gede pisan keur meuli pertamina dex da hargana tilu tikel tinu biasa", Jaja nuluykeun. "Uing bebeja deui ka dunungan tadi isuk." Dunungan sasauran, "Montong loba kahayang Jang ari teu mampuh mah. Tah mobil anyar teh ibarat jikan anyar, mahal keur miarana. Geus ayeuna mah balik ka imah, menta hampura ka jikan, tong poho mobil pulangkeun!" (*)

---

Andriekw