Si Kabayan Rek Bunuh Diri

Si Kabayan diusir ku Si Iteung lantaran ngedul tara daek ngala suluh, ari sangu mah kudu asak bae.

Si Kabayan: "Naha kira-kirana luas maneh ditinggalkeun ku kami?"
Si Iteung: "Naha teu luas ku naon? Barina oge maneh aya di dieu ngan ngaheurinan hungkul! Gubug aing ka lebe, serahkeun ayeuna keneh! Serahkeun! Aing teu geus sukaaaa...!!!"
Si Kabayan: Aeh, aeh, geuning tuluy ngambek, da aing oge geus teu suka ka sia teh, Iteung. Jeung deui entong ngarep-ngarep bisa panggih deui, lantaran aing ayeuna rek malidkeun maneh."

Leos Si Sikabayan indit bari ngusap birit, maksudna rek malidkeun maneh tea. Barang datang ka sisi walungan kasampak caina keur gede, puguh wae manehna reuwaseun. Ngan tuluy bae Si Kabayan teh ngahuleng sisi walungan. Manehna teu nyahoeun yen Si Iteung oge harita teh nuturkeun ti tukangeun, da sieun bener salakina rek luluasan malidkeun maneh ka walungan nu keur gede cai.

Barang geus kitu mah, terus bae ku Si Iteung digeunggeureuhkeun bari pokna, "Hey, nu keur cinutrung di sisi walungan, anu kasep saliwat, lain rek malidkeun maneh?"

Si Kabayan malik bari ngadilak. Pokna, "Enya ieu oge lain!" (*)