Salah Tapsir

Di halteu kareta api Leuwi Goong aya urang Cirebon anu keur diuk sorangan dina bangku, sigana mah keur nungguan kareta api nu ka dayeuhkeun. Teu kungsi lila lar aya tukang nangka ngaliwat hareupeunana.

Tukang Nangka: "Nangkana mas! Nangkana mas!"
Ngadenge omongan tukang nangka, urang Cirebon tea diukna rada ngageser saeutik.
Tukang Nangka: "Nangkana mas! Nangkana mas!"
Urang Cirebon tea diukna rada ngageser deui saeutik.
Tukang nangka: "Nangkana mas! Nangkana mas!"
Urang Cirebon tea diukna rada ngageser deui saeutik. Terus kitu jeung kitu kajadianana, nepi ka bangkuna ngajuralit. Si urang Cirebon tijengkang nangkarak bengkang. Si urang Cirebon ngambek, nyarekan tukang nangka laklak dasar.

Urang Cirebon: "Bujur maneh sakumaha legana hah! Ku aing diberean tempat diuk, masih keneh nitah ngageser ka aing!"
Tukang nangka molohok teu ngarti kunaon dicarekan.