Nini-nini Leungit Hape

Harita teh bulan puasa, aya nini-nini bulak-balik wae ti beurang nepi ka sore. Lantaran katempona pikarunyaeun, ku kuring ditanya bari sakalian nawaran buka puasa da kabeneran rek asup waktu magrib.

Kuring: "Ni, nuju naon asa katingalina teh bulak-balik wae ti siang keneh?"
Nini: "Manawi Cep, hape nini murag duka dimana, da bulak-balik diteangan ge can kapanggih wae geuning."
Kuring: "Tos atuh ayeuna mah urang buka heula, ke tos buka teraskeun deui milarina." (ngahuleng, teu nyangka nini sakitu rudinna bogaeun hape).
Nini: "Ih si Encep mah jadi ngalelewe, kumaha barang daharna atuh, pan hapena ge can kapanggih?" (rek ngaleos).
Kuring: "Naha...?"
Nini: "Pan taeun...euu...hape teh huntu palsu" (seuri maur terus ngaleos). (*)