Teu Tulus Dahar
Lantaran lapar, bus wae Kang Alay asup ka jongko tukang sate.
"Pang meuleumkeun sapuluh!" pokna bari gek diuk. Sabot sate di beuleum, haseupna mani meleber, kaambeu seungit. Ngadadak rasa laparna leungit.
"Mang moal tulus meuli satena oge, da geuning ku ngambeu seungitna oge geus seubeuh," cek Kang Alay bari rek ngaleos.
"Ih, keheula! Bayar heula atuh!" ceuk tukang sate.
"Naha...? Pan teu tulus daharna oge!"
"Enya, tapi pan seungitna geus kaseuseup. Jadi angger we kudu mayar!"
"Heug atuh!" omong Kang Alay bari ngodok saku. Manehna nyokot duit kencring sababaraha siki, terus diburulukeun kana piring kosong. Atuh puguh wae sorana teh meni gandeng.
"Tah, dibayar ku sorana!" ceuk manehna bari ngasupkeun deui duit kencring kana jero sakuna. (*)
Teu Tulus Dahar
Reviewed by Rupa Sundapura
on
22.00
Rating:
Reviewed by Rupa Sundapura
on
22.00
Rating:
