Sesebutan Kaayaan Jalma

• Bahenol » Awakna lintuh matut, tapi bangun teu peungkeur
• Bahono » Demplon; donto; lintuh semu peungkeur
• Bangbang » Awakna jangkung gede
• Bangir » Irungna alus; mancung
• Bayuhyuh » Awakna lintuh pisan
• Bedegul » Sirahna gede
• Besekel » Awakna pendek gede
• Bolotot » Panonna gede
• Bopeng (garok) » Bowek, beungeutna pinuh ku ceda urut kasakit cacar (kuris)
• Bosongot » Rupa beungeut atawa pasemon nu wanian
• Botak (butak) » Gundul ti tengah-tengah nepi kana tarang
• Buncir » Sok dilarapkeun kana kaayaan beuteung budak anu mereketeng lantaran loba eusina
• Bureuteu » Beuteung nu nyemplu (lantaran lintuh keur kakandungan atawa boga kasakit)
• Cadel » Teu bentes nyebut aksara R
• Cadok » Gado nyodor ka hareup
• Cameuh » Carehamna rada ngelok
• Camihmil » Pipina rada kebi lantaran montok
• Cingked » Leumpangna pincang (lantaran nyeri suku atawa cacad salah sahiji)
• Cureuleuk » Panonna buleud, beresih, cahayaan, tur alus sorotna
• Demes » Irungna pesek (sabalikna tina bangir)
• Demplu » Awakna lintuh teu matut
• Denok » Awakna rada montok, donto, tur geulis
• Deog » Sukuna pengkor, teu bisa leumpang bener lantaran suku nu sabeulah rada pondok
• Galing » Buukna rada rintit
• Galing muntang » Buukna rintit tungtungna
• Gamuleng » Gademol, rupa beungeutna buleud tur ngeusi, awakna donto (nu disebut gamuleng biasana awewe nu pakulitanana koneng umyang)
• Gandang » Lalaki nu hade dangong, boh dina leumpang boh dina paripolah
• Geulis » Awewe nu rupana alus (pikaresepeun)
• Gomplok » Buukna kandel
• Gundul » Sirahna lenang, taya buukan
• Hejo carulang » Kulit awewe nu alus, rada ngoraan tina hideung santen
• Hulu peutieun » Sirahna leutik
• Jalugjung » Awakna jangkung
• Jebleh » Biwirna nu handap leuwih rubak batan nu luhur sarta rada ngampleh
• Jeding » Biwirna nu luhur leuwih rubak batan nu handap sarta rada ngampleh
• Kambuy » Awakna lintuh tapi teu sehat, siga karembung
• Kasep » Lalaki nu rupana alus
• Keceng » Panonna teu nenjo sabeulah
• Kecing » Sieunan; teu wani sabab nyanghareupan lawan nu leuwih gede
• Keked » Ramona hareuras lantaran kasakit incok, jeung sajabana
• Kemong » Pipina semu ngelok ka jero lantaran kuru
• Kempot » Pipina legok saeutik lamun keur seuri siga liang undur-undur
• Keueuseun » Huntuna goreng, harideung tur teu rata
• Kewes » Sesebutan ka jalma nu tegep, pantes katenjona
• Lenggik » Awakna jangkung leutik, ramping (dilarapkeun ka awewe)
• Lenjang » Awakna lenggik leutik, ramping (dilarapkeun ka awewe)
• Lingsig » Awakna ngeusi, sehat lantaran diurus
• Lolong » Panonna duanana teu bisa nenjo
• Ngajedig » Sesebutan keur kumis atawa halisna kandel
• Nongnong » Tarangna rada nonjol
• Pacer » Sukuna leutik
• Pecak » Panonna teu nenjo sabeulah
• Pengkor » Sukuna pincang, teu bisa leumpang bener
• Petet » Panonna leutik saperti nu setengah peureum
• Pireu/pego » Teu bisa ngomong
• Ponges » Irungna cacad (tungtungna rada pondok)
• Rangkebong » Awakna begang pisan (biasana jalma nu tas hudang gering atawa jalma nu geus kolot pisan)
• Rebeh » Biwirna rada beukah ka gigir, sabab ngarasa atoh dipuji
• Regeng » Awakna begang atawa kuru
• Roges » Huntuna goreng (teu rata)
• Sampulur » Awakna alus potonganana (biasana sok dilarapkeun ka awewe)
• Sieuran » Dilarapken ka jalma anu henteu kaasup kasep atawa geulis, tapi lamun ditelekan pantes atawa tegep (sieureun dilarapkeun kana kaayaan beungeut)
• Sipit » Panonna rada leutik henteu bolotot (panon bangsa Cina)
• Tonggar » Huntuna nyodor ka hareup, tampolana tepi ka matak hese balem (*)